صديقة حلمي بكر تكشف مفاجآت صادمة عن عمايل زوجته معه في آخر أيامه

فجرت ليلى الشبح، صديقة الموسيقار الكبير الراحل حلمي بكر، مفاجأت عدة أثناء حضورها تشييع جنازته، اليوم الأحد، من مسجد السلام بمدينة نصر وذلك عقب صلاة العصر.

وقالت ليلى الشبح في تصريح لـ'أهل مصر': 'أنا شفت بعيني لما نادر أبو الليف جابهولي، جسمه كان مطفية فيه السجاير، واتعمل في مراته كذا بلاغ في قسم الدقي، لكن هي عشان تعرف كم ضابط في قسم العجوزة كدا يعني'.

وتابعت: 'أنا بقولكم شفت بعيني مراته وهي بتطفي السجاير في جسمه، إسألوا كذا حد، سيد عمر مصور في المدينة، كان بييجي يخده عشان يقعد عندي، أو عند صدقنا محمد أو أي حد تبعنا، ولا كانت بتأكله ولا تديله الدوا، وكانت بتشتمه وتبهدله وتقفل عليه، وإخواته ملهومش صالح بيه، واحد ومراته'.

وأضافت ليلى الشبح: 'حلمي بكر كان بيقول مفيش حاجة، لكن كان تعبان لا حول له ولا قوة، ومراته كانت بتجيبله ناس الشقة عشان لو استغاث بحد ويقولنا مفيش حاجة، لكن بينا وبين بعض كان بيقول حصل كذا وكذا'.