عبرت الفنانة صبا مبارك عن سعادتها بمشاركتها في مسلسل ببين السطور، وكشفت عن سبب نجاح المسلسل وأكدت على أن تعلق الجمهور بالمسلسل ومتابعة أدق تفاصيله هو أساس نجاحه.
وقالت صبا مبارك خلال تصريحات تلفزيونية، أن هناك أوجه تشابه أو نقاط تتلاقى فيها مع شخصية "هند سالم" في مسلسل بين السطور وذلك في النقاط الايجابية التي تتسم بها شخصية هند مثل الإصرار على النجاح والنزاهة في العمل مشددة:" في الحاجات الحلوة الي فيها بتلاقي معاها".
صبا مبارك تكشف كواليس مشاركتها في بين السطور
وأضافت صبا مبارك أن شخصيات مسلسل "بين السطور" جميعها تجعل المسلسل يبدو وكأنه جريمة قتل لكنه رحلة سؤال مهم: إزاي ممكن لحظة صغيرة تغير حياة الانسان وتنقلها من مكان لاخر بسبب خطأ ولحظة ضعف أو شيء غير محسوب وقتها؟.
تابعت: ده مصير بتواجه ناس كتيرة في الحياه الشخصيات مش بيضاء وسوداء لكن ألوان رمادية كتيرة بدرجاته ودي شخصيات الدنيا حلوين ووحشين حنين وقاسين بيحبوا وبيكرهوا بيغيروا وكل حاجة في نفس الوقت".
صبا مبارك عن مشهد وفاة سلوى محمد علي: كنت متأثرة جدا لان وفاة أمي أقسى شيء واجهته في حياتي
وكشفت الفنانة صبا مبارك خلال اللقاء عن أصعب مشهد لها في مسلسل بين السطور، قائلة أصعب مشهد هو لحظة معرفتي خبر وفاة والدتي بالعمل، والذي قدمت دورها سلوى محمد علي، لأنّي تذكرت لحظة وفاة والدتي في الحقيقة، وكان مشهد مؤلم جدًا لي».
واصلت : في الحقيقة في المشهد ده كنت صبا شوية مش هند لان وفاة امي كسرت حتة كبيرة وهي أقسى الأحداث التي مرت علي في حياتي".
أردفت: "حسيت ده في المشهد أوي لدرجة أن فيه جملة قلتها في المشهد مكنتش موجودة في "الاسكربت" وهي جملة "ما استنتيش ليه قررتي لوحدك تمشي ؟ كانت اللحظة دي شخصية جدا لما ماتت أمي كانت صغيرة جدا وحسيت انها مش عايزة تكمل".
أكملت : فاكرة لما توفت زعلت أكتر منها قبل ماحزن وكنت بقولها إنتي خلاص مشيتي ؟ وده كان أول يوم تصويردخلت على المشهد ده".
استطردت: "أنا تربيت مع أمي وأنا بنت أمي وعشان كده في شبه بيني وبين هند في الحتة دي أنا فعلا ماعشتش مع أبويا لكن مكنش شبه ابو هند بهذه القسوة ".
أتمت: عدم وجود الأب في حياة البنت مؤثر علشان كده بقول للناس قرار الأبوة والأمومة مش سهل لان عدم وجود الأب في حياة ابنته شيء صعب جدا".
وعن تأثير عدم وجود والدها معها قالت: اثر كتير خلاني أقوى لكن القصة مش دائما أمر مستحسن أوقات بنحس اننا محتاجين تتسند على حد في وقت تعددت فيه متسند على حد"
تابعوا آخر أهل مصر على Google News
