تحدثت الفنانة دينا عن طقوسها قبل بداية الرقص، خلال استضافتها في برنامج 'أسرار النجوم'، المذاع عبر راديو 'نجوم إف إم'، موضحة أنها تسخن جسمها قبل الرقص لكي لا يتعب، مضيفة: 'بردد دعاء: الله خير حافظا وهو أرحم الراحمين، وكل الناس بتشوفني وأنا بعمل ده ''.
ابني أذنه موسيقية
ليس المرة الأولى التي تتحدث فيها الراقصة دينا عن الرقص حيث قالت قبل ذلك خلال حلولها ضيفة في برنامج 'الستات'، الذي تقدمه الإعلاميتين سهير جودة ومفيدة شيحة عبر شاشة 'النهار': 'ابني أذنه موسيقية رائعة، عندما أرقص معه ينفذ الخطوات في 3 ثوان، لكنه لا يحب العمل في الفن، وأنا السبب، لأنه شافني بتعب قد ايه في الرقص، فقال لي لا لا أنا عايز اشتغل حاجة 5 أيام ويومين أجازة'.
ابني عايز يدرس طبخ
وتابعت: 'ابني بقى شبهي غصب عنه لأنه عايش طول عمره معايا، وحب المطبخ عشان أنا بحبه، وعندما قرر دراسة الطبخ كنت عايزاه يدرس إدارة أعمال بيزنس وبعدها يأخد كورسات طبخ، ورد عليه وقالي هو حضرتك لما قولتي لأهلك عايزة ارقص وافقوا؟، قولت له لا، وقال لي أنت نجحتي في إيه؟، قولت له الرقص، قال لي ممكن تسبيني أدرس طبخ، سكت وقولت له اتفضل'.
كل مصر مربياها ست
وردت على سؤال مفيدة شيحة لها عن سبب رفضها أن يستمتع ابنها بأموالها قائلة: 'ومايبقاش بني آدم؟ يبقى تابع؟ لو أنتِ بتربي كدة يبقى في الفساكونيا، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم حياته، وهو يمتلك ملايين، لازم يتعلموا يعمل حياته ومسقبله'.
واختتمت: كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست'.
تابعوا آخر أهل مصر على Google News
