أوضح الفنان مصطفى كامل، نقيب المهن الموسيقية تفاصيل جديدة خاصة بالموسيقار الكبير الراحل حلمي بكر الذي توفي منذ عدة أيام بعد صراع مع المرض.
مصطفى كامل عن حلمي بكر: «حزين عليه أكتر من ابنه»
وقال مصطفى كامل في حواره ببرنامج العرافة، مع الإعلامية بسمة وهبة، بقناة المحور:'في ناس كانت غيرانة على حلمي أكتر من ناس قريبة من حلمي بكر، وأنا كنت حزين عليه أكتر من ابنه وإخواته، وفي في الجنازة والعزاء اتعمدت إني مشوفش أي حاجة عشان مضايقش نفسي ولا أتدخل، أنا قررت أبعد عن ده كله'.
مصطفى كامل ببرنامج العرافة
وأضاف مصطفى كامل:'أخوات حلمي بكر قعدوا يقولوا عايزين ناخد حقه وفجأة في العزاء شوفناهم ولا كأن حصل حاجة وبيتصورا وبيضحكوا، وتابع حديثه منهارا من البكاء: “الوضع اللي شوفته في عزاء حلمي بكر خلاني أنهار وروحت كملت في بيتي بكاء.. الموضوع فيه حاجة غريبة ومش متوقعة”.
وواصل كامل قائلا:'ابن حلمي بكر بعتلي انه عايز يحضر دفن والده فقولتله أعملي رسالة صوتية بده وصورة ليك وهو بعتلي صورة وهو بيبتسم ووقتها قلت له لا لأزم تكون صورتك حزينة ووقتها بعتنا لعدد من وسائل الإعلام عشان نوصل صوته ووقتها كلمنا الأجهزة المعنية وشقيقه كان عايز يدفنه هما كانوا 5 أطراف كل حد بيقولي حاجة ووقتها عرفنا أنا ونادية مصطفى إن فيه حاجة غلط.
تابعوا آخر أهل مصر على Google News
