عندي فوبيا المرض والبنات بتحبني.. أبرز تصريحات أحمد عز مع عمرو أديب

كشف النجم أحمد عز عن العديد من الأسرار التي تتعلق بحياته وعلاقته بوالدته وكذلك تحدث عن سر حب البنات له وكيف تم وصفه بالغرور

تصريحات أحمد عز

وتحدث أحمد عز خلال استضافته في برنامج ''بودكاست Big Time'' للثنائي المطربة أصالة والإعلامي عمرو أديب والمذاع على فضائية 'mbc' قائلا: ''المرض أكتر حاجة بتقلقني وطبعا بخاف من المرض، وأنا عندي فوبيا منه'.

وتابع أحمد عز: 'فوبيا المرض اللي عندي مش من لا شيء، لأن أمي الله يرحمها ماتت وقبل ما تموت كنت عارف هي عندها إيه وما قلتش لأبويا ولا إخواتي وهي كان طلبها كده، أنا كنت قريب منها جداً وكانت بتدوّر البيت عادي، وكانت بتاخد العلاج الكيماوي وبعدين ترجع البيت تطبخ وتأكّل وأنا الوحيد اللي عارف، أمي كانت جبّارة'.

كنت بتشال وأتحط لما يقولوا مغرور

وأضاف : ''زمان كنت بتشال وأتحط لما يقولوا مغرور، بس لما شوية فهمت ورسيت عرفت أن النجاح وحب الناس ونجاح الأفلام وإن ربنا يسهلّك في ده أنت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور'.

واستكمل حديثه: 'المكانة والنجاح والناس تشوفك مغرور أو تحبّك مش بتاعتك دي بتاعت ربنا، وبعدين الناس فيها اللي مكفيها، مش كل شوية أنزلهم في صور عن حياتي على السوشيال ميديا، أنا مش بحب الطريقة دي، إزاي واحد رايح شغله وطالع عينه ويشوفني وأنا نايم على حمّام السباحة، هيقول لي ده أنت معندكش دم''.

وتحدث عن حب البنات له: ''حب البنات ليَّ ما أعرفش سببه، بس ده من كرم ربّنا وحبّ الناس لا يقدَّر بالملايين، بس نقطة حبّ البنات أقسم بالله عمرها ما شغلت تفكيري ولكنها نعمة ربنا يديمها، وأنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوّق الكلام، يعني أنا مش الواد بتاع البنات وده من صغري'.

أحمد عز يواصل فرقة الموت

في سياق آخر يواصل النجم أحمد عز تصوير أحدث أفلامه «فرقة الموت»، داخل مدينة الإنتاج الإعلامي، حيث يسابق المخرج أحمد علاء، الزمن للانتهاء من التصوير خلال الفترة المقبلة، وقام بتنفيذ عدد من مشاهد الأكشن والمطاردات، بعدما تم تحديد موعد لعرض الفيلم ضمن موسم أفلام عيد الأضحى المقبل.

وتدور أحداث «فرقة الموت» حول ضابط يتم اختياره أحمد عز، ليقوم بتكوين فرقة للقضاء على سطوة خط الصعيد في مواجهة مباشرة مع الفنان آسر ياسين، في إطار أكشن تشويقي وينتمي لنوعية أفلام الحركة والإثارة، ويشارك في بطولته منة شلبي وبيومي فؤاد وعصام عمر.

فريق عمل فرقة الموت

فيلم فرقة الموت بطولة النجم أحمد عز وآسر ياسين ومنة شلبي وأمينة خليل وبيومي فؤاد وعصام عمر وتأليف صلاح الجهيني، وإنتاج آلاء لاشين وهشام عبد الخالق الماسة وإخراج أحمد علاء.