علق الفنان بيومي فؤاد، لأول مرة على تصريحاته التي أثارت الجدل بموسم الرياض، بعد أزمة الفنان محمد سلام، قائلا: "مش ندمان على كلامي وأنا قد كلامي عشان راجل، وأعتذر فقط عن حاجة واحدة إني قلت مش جاي أضحك، وأنا جاي أضحك والضحك شيء جميل والكوميديا شيء صعب".
وأضاف بيومي فؤاد، خلال حواره ببرنامج "حبر سري"، مع الإعلامية إسما إبراهيم، على قناة القاهرة والناس، أنهم يطلقون عليه في الخارج عمدة المصريين، ويستشعر مسؤولية بسبب ذلك.
وتابع: "لما بطلع بمسرحية بحس إني رئيس بعثة، ومسؤول عن الناس بتوعنا، ولكنا اتشتمنا لما روحنا، والحملة كانت شرسة على محمد أنور، لأنه كان البديل، ومكنتش بشوف الحاجات اللي على السوشيال ميديا، ومحمد أنور كان بيبكي".
وأضاف: "كنا بننزل وقت الفطار والغداء والعشاء نتعشى، وهو مش معانا، وكنا بنسابق الزمن، وأنور كان بيعمل البروفات والأغانى والاستعراضات، وعملنا بروفات يزيد عن شهر واحنا سفراء لبلدنا بيحبونا ويحترمونا ويقدرونا، لو دا كايدكم أو غايظكم، لكن دي حقيقة وهما بيحبونا ودا غايظ اللي بيشتمنا ويدعي علينا ادعاءات، والمفروض أنه مثقف".
تابعوا آخر أهل مصر على Google News
