تصدرت الفنانة إسعاد يونس، التريند الأول من خلال محرك البحث العالمي على جوجل، وذلك بعد الحديث عن العديد من الأسرار في حياتها الشخصية وعن علاقتها بالفنانة شيريهان خاصة أنهما زوجان لرجل واحد.
وقالت في لقائها مع الإعلامي عمرو أديب والفنانة أصالة في بودكاست بيج تايم: «قصتي أنا وشريهان لا أعتبرها مثالا، لكن هو قرار لأن أولادنا يحملون نفس الجينات والدم، وبالتالي انتهى أي شيء بيني وبينها كامرأتين، هي أم ولادي وأنا أم ولادها، وبحبها جدا».
واستطردت: «الظروف هي اللي قربتنا من بعض، وتحديدا ليلة مولد ابنتها الكبيرة لولوة خلص الموضوع».
وفاة سمير غانم
وأضافت 'في لحظة الناس بتروح وأنا مش قادرة أتخيل لحد دلوقتِ منطق الموت، ومش قادرة أتخيل إن سمير غانم دا نام وغمض عينيه وما بقاش موجود، والحتة دي مجنناني في الحياة'.
وتابعت إسعاد يونس: 'مش قادرة أستوعب ممارستنا الحياة وبعد كدا نرحل في لحظة، وقررت إني ما أكتئبش ولا أشعر بكآبة لأن عمرنا بينفد وكل لحظة بتروح مش راجعة، حياتنا دقائق وثواني والمشكلة إنها ما بترجعش طيب ليه نزعل ونكتئب'.
واستطردت: 'الفنانة سهير البابلي كانت بتاعة ربنا وقفلتها بتاعة ربنا يعني مسلمة أقدارها، وكنت معاها لحد قبل الوفاة بدقيقة، وعملنا حديث مع بعض لما تعبت أوي وعملت عمليات كتيرة، فرُحت لها ونزلت في رمضان بالعباية ورُحت رايحة لها وعملنا فيديو على السوشيال ميديا وقالت لي احنا هنشتغل وننزل، فقلت لها يلا، بس هي صحيًّا ما كانتش هتقدر، بس كان لازم أقول لها شدي حيلك وقومي بس هي ما كانتش جاهزة، هي ماتت وهي عندها حياة جيدة ومعززة بنتها'.
حياة إسعاد يونس
وكانت كشفت الفنانة إسعاد يونس تفاصيل وكواليس عن حياتها الشخصية، حيث أكدت أنها تعيش أفضل أوقاتها حاليًا، وقالت في لقائها مع الإعلامي عمرو أديب في بودكاست بيج تايم: «بتيجي لي لحظات ببقى نفسي أقعد بالأحفاد فببقى أوقات مش عايزة حاجة من الدنيا».
وتابعت: «عندي 3 أحفاد، هانيا ابنة نورهان وعلاء وأيلا أبناء عمر، أنا بمثل من سنة 1972 هل لو قلت لك عندي 46 سنة هتصدقني؟!، ليه أعمل كده؟ أنا سعيدة جدًا بالوقت اللي أنا فيه حاليًا».
واستطردت: «أنا مبسوطة جدًا بسني وفيه حاجات تحررت منها، وفي أبريل المقبل هتم 74 سنة».
تابعوا آخر أهل مصر على Google News
