مسلم: «كنت أصلي بالناس إمام.. ومبقتنعش بكلام الشيوخ إن الغنا حرام»

فاجأ مطرب المهرجانات مسلم، الإعلامية أميرة بدر على الهواء مباشرة، بتأديته الآذان خلال حلقته معها في برنامج "أسرار".

وقال «مسلم»، إنه كان يؤم المصلين في مسجد بجانب منزله، قائلًا: «عرفت إن صوتي حلو من وأنا عندي ٨ سنين وابتديت أذن وأكون مسؤول عن الجامع اللي جمب بيتي وأفتحه للناس، وكنت بغني لحد قبل ما اتدين وكده، ولكن صوتي بقى كويس بسبب تجويد القرآن لأنه بيحسن الصوت».

وأضاف مسلم: «اتبهدلت أوي علشان أرجع أغني، وكان حلمي اوصل بموهبتي لهدف أقول اني هوصل وهعمل ده، ومبقتنعش بكلام الشيوخ إن الغناء حرام، والدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني، وشغلي السبب في كدة وده غصب عني، وكفاية مسحول في حوار الجواز والخطوبة».