اعلان

إيناس الدغيدي بعد تصدرها التريند: دخلت بنتي جامعة بره مصر خوفًا من تهديدات الإخوان

إيناس الدغيدي
إيناس الدغيدي
كتب : ندى صدقي

تصدرت المخرجة إيناس الدغيدي تريند جوجل ومواقع التواصل الاجتماعي خلال الساعات القليلة الماضية بعدما تحدثت عن تهديدات الإخوان لها وما يحدث بسبب جرأة أفلامها معلقة: ''الناس عايزة أي كلام تتكلم فيها''.

إيناس الدغيديإيناس الدغيدي

أفلامي جريئة

وتابعت خلال حلولها ضيفة في برنامج ''أسرار'' مع الإعلامية أميرة بدر المذاع على قناة النهار معلقة: ''النقاد مبيشوفوش أفلامي جريئة، وطلعت في الزمن الصعب، وأفلامي وفترة نضجي كانت في الزمن اللي ابتدت مصر تتقفل فيه وكانت مفتوحة جدًا قبلها، ولما الإخوان مسكوا أول حاجة فكرت فيها إني ألاقي مكان آخر ليا، وكنت هروح دبي''.

اتحطيت على قوائم الاغتيال

وتابعت: ''اتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا أساتذة في الجامعات، والله يرحمه وائل الابراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق

والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها”.

 

وقالت المخرجة إيناس الدغيدي: ''مرة حطولي في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها، قالولي منعرفش، وجوزي قالي بلغي البوليس، قلت له يمكن واحد اهبل مش عاجبه افلامي''.

وأكملت حديثها : ''مرة راجعة بالليل لقيت ملثمين دخلوا ورايا الجراج بموتوسيكل، خوفت ومطلعتش من العربية، بس كان واضح انه مش هيضربوني بالرصاص كانوا هيضربوني بمطوة، فضلت اضرب كلاكسات عشان اللي في الجراج يصحوا ويشوفوا اللي فيه، وجريوا''.

كنت خايفة على بنتي وسفرتها برة مصر

وأكملت : ''كنت خايفة يعملوا حاجة في بنتي، ودخلتها جامعة بره مصر عشان الإخوان، وطول الوقت بيبعتولي، عشان ضد الحجاب، أيام الانتخابات، قلت نحاول نديهم فرصة فا عبد المنعم أبو الفتوح كلمني، وعرفني بنفسه، وقالي إحنا مش ضد الفن وبنحب الفنانين والفترة دي قالوا إنه انفصل عنهم، فاقلت كان كده وكده يعني عشان داخل انتخابات فا عايزني ادعمه، لكن شايفة انه دول مش مصر خالص”.

 

 

WhatsApp
Telegram
إقرأ أيضاً