أحمد السقا لـ كريم عبد العزيز: رقبتي ليك يا صاحبي

عبر الفنان أحمد السقا عن حبه الشديد لـ صديقة الفنان كريم عبد العزيز التي كانت تجمعهم صداقة منذ الطفولة، متمنيًا له الخير والسعادة في حياته، وأن يظل بجانبه دائمًا.

وكتب أحمد السقا منشورًا عبر حسابه الشخصي بموقع 'فيسبوك' جاء فيه: قاعد وصاحي بدري ولقيت نفسي عايز أقول كلمة في حق أجمل وأجدع صاحب قابلته في حياتي.

أحمد السقا: القدر ربطني بكريم عبد العزيز

وتابع أحمد السقا: من وإحنا عيال صغيرين أنا كنت عايش في شارع شهاب، وهو عايش في العجوزة والقدر ربطنا ببعض، ومن يومها وإحنا أكتر من الأخوات، وربنا يخلينا لبعض لأنه بجد راجل وجدع ومتربى وابن ناس.

واستكمل أحمد السقا: طول عمرنا مبنقولش لبعض غير إزيك يا صاحبي، عامل إيه يا صاحبي، أو مبروك يا صاحبي، وحقك عليا أنى أقولك ربنا يخليك ليا يا صاحبي، صاحبي وأخويا اللى بجد كريم عبد العزيز، رقبتي ليك يا صاحبي، كلمة حق في حقك يا صاحبي، ملحوظة عشان الناس اللي بتصطاد في الميه العكرة، دي الصورة اللي كريم كسب بيها جوي أورد وفي كل الحالات صاحبي قمر.