رجل أعمال واسمه حسين.. دينا الشربيني تكشف عن قصة حبها الجديدة

كشفت الفنانة دينا الشربيني، تفاصيل جديدة حول أخبار ارتباطها مؤخراً قائلة، إنها تمر بقصة حب لشخص يدعى حسين، مصري، ويعمل في مجال البيزنس.

وأضافت دينا الشربيني خلال لقائها مع برنامج “كلمة أخيرة” المذاع عبر فضائية “ON”، قائلة:" كان بينا أصدقاء مشتركين وكنا نعرف بعض نتقابل وسط أصحابنا في قعدات عادية حتى الارتباط".

ووصفت دينا الشربيني حبيبها:" محترم وبيراعي ربنا ومتدين وجدع ولذيذ عاوز يعمل كل حاجه كمشاعر ودعم دون أن يظهر في الصورة دائما بيبقى عينه عليا من بعيد ".

وأضافت: " أبعد مايكون عن الأضواء إحنا شبه بعض في حاجات كتيرة بس، و مش بيحب الاضواء ودي الحاجة اللي عكس بعض فيها، جايز في البداية كان مخضوض ومش فاهم لكن دلوقتي فهم "

وتابعت:" مش بتابع الشائعات ودائما بدخل اشوفها بعد ما الحكاية تخلص، لأني فيه فريق عمل ماسك السوشيال ميديا بتاعي ماعنديش باسورد بتاع فيس بوك، ولا تويتر فيه حد ماسكهم وأنا بحب فقط إنستجرام وتيك توك ".