آيتن عامر تتذكر والدها: لو كنت موجود كنت جبتلي حقي

أحيت الفنان آيتن عامر ذكرى والدها الراحل، ببعض الكلمات المؤثرة، في فيديو عبر حسابها الرسمي على مواقع التواصل الاجتماعي إنستجرام.

ونشرت آيتن عامر، مقطع فيديو يحتوى على لقطات تجمعها بوالدها الراحل، منذ طفولتها، معلقة: «الله يرحمك يا حبيبي يا بابا، كنت بتاخدنى معاك في كل حتة بتروحها، على القهوة تعلمنى طاولة ودومينو، وبعدها نتمشي على البحر وناكل آيس كريم وتوديني الملاهي، ونركب العربية تسمعني أم كلثوم».

وأضافت عامر عبر حسابها الرسمي بموقع التواصل الإجتماعى «إنستجرام»: «لو كنت هنا دلوقتى كنت أنا اللى هاخدك معايا كل حتة وكنت متأكدة اننا هنكون صحاب مش بنت وابوها علاقتهم تقليديه، لما ببقى قاعدة قاعدة فيها هزار وضحك بيبقى نفسي، تكون موجود، واكتر وقت باحتاجك فيه لما حد يزعلنى لانى عارفة انك لو كنت موجود كنت مش هترتاح غير لما تجيبلى حقى».

وتابعت: «كبرت بقا وبقيت اسيب حقى لربنا بس انت لسه واحشنى، الله يرحمك ويغفر لك ويعفو عنك، ادعوا لبابا اللى سابنا زى النهاردة في 2001 أن ربنا يرحمه من فضلكوا».