ميكا بعد لقائه تامر حسني: تعرفت على أحسن شخصية في الدنيا

أعرب الفنان الشاب سيد اسامة الشهير بـ 'ميكا' في مسلسل خالد نور وولده نور خالد، الذي عرض في رمضان الماضي، عن سعادته البالغة بالمشاركة مع الفنان تاكر حسني في فيلمه الجديد الذي يحمل اسم 'ريستارت'.

وكتب سيد اسامة عبر حسابه بفيس بوك:'الحمدلله رب العالمين من أحلي يوم في حياتي النهاردة، أتعرفت علي أحسن شخصيه في الدنيا الأستاذ تامر حسني، بجد سعيد أوي أوي أني هشتغل مع نجم الجيل ونجم كل جيل وأنا بحب الرحلة بتاعته أوي، شخص شقي جداً وأشتغل علي نفسه جامد أوي أوي لحد ما بقا اسم عظيم جدا جدا في مجاله فنان بمعنى الكلمة بجد'.

وتابع سيد: 'غير كل ده هو إنسان على المستوى الشخصي بني آدم عسل أوي أوي، وتحبه علطول بجد مش كلام من أجدع الناس اللي هتشوفهم في حياتك، وإن شاء الله أكون عند حسن ظنك بيا يا أستاذي.. توكلنا على الله ويارب تكون فتحت خير علينا كلنا'.