وجهت الفنانة راندا البحيري، رسالة لجمهورها بعد تصدرها التريند في الآونة الأخيرة بسبب ظهور وزنها زائد في تسجيل بعض البرامج.
وعلقت راندا، على الأمر عبر حسابها الرسمي بموقع التواصل الإجتماعي "فيسبوك": "اطمنوا عليّ..أنا كويسة جدا الحمدلله ..اللي كان مخليني مش فرحانة فترة طويلة ان كان فيه أسرار كتير و حاجات مقولتهاش لبني آدم
وحاولت أقولها للناس المعنية بحلها ومعرفتش
بس بجد لما خرجت مني للناس القريبين الطيبين ارتحت الحمدلله جداً إنما فكرة الشغل وكده أنا مش بشتكي أساساً ولا عايزه حاجه من حد والحمدلله أنا حالتي المادية كويسه جداً وشغاله في حاجات كتير تانيه غير التمثيل".
وتابعت راندا البحيري حديثها قائلة: "بالنسبة للوزن الزائد اللي ظهرت بيه في حلقة الإعلامية الجميله أوي مروة صبري فأنا كنت خارجة من دور برد قاسي قعد معايا شهر خدت فيه ٣ علب مضاد حيوي وخدت دوا علشان أقدر أتنفس وخدت دوا للحساسية والأدوية خلت المياه تتحبس تحت الجلد ده غير ان الزاوية اللي اتصورت منها كانت مش حلوة تماما والإضاءة متظبطتش علي وشي صح وأنا كنت مرتبطة ببرنامجين، برنامج مروة صبري و بعدها بـ ١٨ ساعة برنامج مروة عبد المنعم علي قناة الشمس و بالرغم من أن الوزن الزائد مش حاجة المفروض أطلع أبررها".
وانهت راندا البحيري كلامها قائلة: "بس أنا حبيت أوضح مش أبرر علشان لاحظت إن فعلاً فيه ناس خافت عليّ و فيه ناس تانيه ابتدت تطلع إشاعات أن فيه عندي حاجة أكبر من كده بس الحمدلله أنا بطمنكم مفيش اي حاجه واصلا المياه اللي تحت الجلد دي نزلت بعد تصوير البرنامج ب ٤٨ ساعة وأنا دلوقتي حالا أحسن بكتير اوي اوي".
يشار إلى أن راندا البحيري تنتظر عرض مسلسل “شمال إجبارى” بطولة رندا البحيري ، صلاح عبدالله ، هاله فاخر، فراس سعيد ، عماد رشاد ، سامح الصريطي، منير مكرم ، نوليا مصطفي اخراج محمد خضري تاليف خالد الغيطاني ومن المقرر عرضه خلال الفترة المقبلة.
تابعوا آخر أهل مصر على Google News
