زوجة المطرب أحمد فهمي تكشف تفاصيل دخولها عالم الفن

تحدثت الإعلامية الفنانة أميرة فراج، عن غنائها كاڨر المطرب عزيز مرقة، بأغنيته التي تحمل اسم بنت قوية، بدلاً من طرح أغنية خاصة بها في الوقت الحالي، مؤكدة على أنها تقدم الأغاني التي تحبها.

زوجة المطرب أحمد فهمي تكشف تفاصيل دخولها عالم الفن

وقالت أميرة فراج، في حوارها مع الإعلامية دينا رامز، والإعلامية آية شعيب، والإعلامي شريف نور الدين، ببرنامج «أنا وهو وهي» المذاع على فضائية صدى البلد: 'أنا بروح لأغاني رجالة، هتلاقيني بغنّي لفضل شاكر، وعزير مرقة وأغنية 'بنت قوية' لما سمعتها اتوهمت بيها، وكنت في حفلة من حفلاته ولاقيتها أغنية رهيبة كأنها بتكلمني وبتكلم كل ست، فقولت لازم أعملها، وروحت لـ جورج يعقوب الموزع وقولت له أنا لازم أعمل الأغنية دي، واكتشفت أصلًا أنه اللي عمل التوزيع بتاع الأغنية، وقال ليّ إيه التهريج ده يلا بينا، وقعدنا عملناها في الاستوديو في ساعتين».

وأوضحت أميرة فراج، قائلة: «بعد ما خلصناها بعت لعزيز عشان استئذنه، ورحب جدًا، وساعدني بشركة الإنتاج إننا ننزلها أسرع على كل المنصات الديجيتال، والأغنية أنا حاسّة إنها رسالة لكل ست».

وروت أميرة فراج، تفاصيل دخولها عالم الفن، بأنها تغني منذ الطفولة ضمن فرقة كورال للأطفال مع المايسترو سليم سحاب في دار الأوبرا، قائلة: «بغني من وأنا طفلة، في كورال المايسترو سليم سحاب، وبعدها فرقة بنات النيل، وعملت معاهم حفلات في إيطاليا، وبعد كده اشتغلت مع فرقة أيامنا الحلوة، ودي كانت مع بداية رجوعي، كنت في الثلاثينات من عمري، بعد ما عمر كبر وخلاص حسن بيكبر».

وأشارت أميرة فراج إلى سبب اختيارها لفرقة «أيامنا الحلوة» قائلة: 'رجعت من 7 سنين على فرقة أيامنا الحلوة، وبدأت اتشكّل معاهم، لأنهم فنانين جدًا وعندهم حاجة عايزين يقدموها، وأنا حبيت الروح دي'.