ياسمين عز تثير الجدل بعد حديثها عن إتيكيت الطلاق

آثارت الإعلامية ياسمين عز جدلاً واسعاً اليوم بعد تقديم حلقتها في برنامج كلام الناس المذاع عبر قناة أم بي سي مصر.

وقالت ياسمين عز في البرنامج: "الست لما بتطلق زمان كانت تقعد في البيت وتحزن، ودلوقتي لما بتنفصل بتروح تعمل شعرها، وتروح أول فرح عادي بدون أي مشكلة، والراجل لما يبطلق مراته بيبقى كأنه خرج من تأبيده، ورايح للحياة، والست لما بتطلق تنطلق وتعيش حياتها بقى".

وأضافت ياسمين عز في حديثها: "في حاجة اسمها إتيكيت الطلاق، ولازم الست تفهم الموضوع دا، الحلقة دي للكبار فقط، ومش للبنات اللي لسة ما اتجوزتش، إوعي تقابلي جوزك السابق، وتعملي شعرك بعد ما كنتي محجبة، وممنوع إرسال لوم وعتاب ورسائل طويلة ومملة".

وتابعت ياسمين عز: "غيَّري اسمه في الهاتف بأي اسم تاني، وممنوع تشيلي صورتك من الفيسبوك، وتحطي مكانها حسبي الله ونعم الوكيل، وما تجيبيش سيرته بكلمة وحشة مع الأبناء، ولا تتحدثي عن عائلته بطريقة ليست جيدة، وممنوع تُقفي في طريقه، لو عايز يتجوز تاني".