عبير صبري: شقيقتي مروة توأم روحي ولسه بتاخد مني عيدية فلوس ولبس

قالت الفنانة عبير صبري، أنها تشعر تجاه شقيقتها الإعلامية مروة صبري، بعاطفة خاصة، وأنها مثل «توأم روحها»، كما تتلقى منها عيدية بشكل دائم وفي كل وقت: «بتاخد في عيد ميلادها وكل المناسبات.. فلوس ولبس وكل حاجة».

وعقبت شقيقتها مروة صبري ، ممازحة إياها: «كانت بتدي عيديات.. لكن بقى لها كتير مبتدينيش.. يمكن من سنة، وبتقولي: أنتِ خلاص اشتغلتِ.. اعتمدي على نفسك».

عن طقوس العائلة في عيد الاضحي قالت الفنانة عبير صبري، في حوارها مع الإعلامي عمرو الليثي، ببرنامج «واحد من الناس»، على شاشة «الحياة»: «قضيت أول يوم العيد مع أسرتي، وبحب اللمة.. فطرنا سوا مع بعض بحضور أمي وإخوتي وأولادهم.. وكان يوم حلو فطرنا فيه مع بعض كعائلة.. وكنا كلنا مع بعض».

بينما أوضحت شقيقتها الإعلامية مروة صبري،: «عبير اللي طبخت، وبتعمل أحلى أكل.. وأحلي فتة في الدنيا، وعبير بتعرف تفت في الأكل بس، لكن في الحياة لا»، و«عبير في حالها جدا.. بتخلص شغلها وترجع البيت، وبيتوتية لأقصى درجة، وتميل للوحدة، ودايما رايقة ولذيذة، وبتحب مشاهدة الأفلام والدراما، خاصة المسلسلات التركية، ومعندهاش مود للحوارات».