تصدرت الفنانة لوسي محرك البحث العالمي على جوجل، وذلك بعد أن كشفت عن العديد من الأسرار في حياتها الشخصية، ودافعت عن مهنة الرقص ورفضت فكرة الحكم عليه بكلمة حلال.
دافعت الفنانة لوسي عن مهنة الرقص ورفضت فكرة الحكم عليه بكلمة حلال أو حرام، قائلةً: «كل العوالم فيها كل حاجة في الحلال وفي الحرام مبنسألش بقى، الرقص متقدرش تقول حلال ولا حرام، دكتور أمراض النسا حلال ولا حرام؟ متقدرش تقول الجملة دي جملة مستفزة».
لوسي خلال برنامج «عندي سؤال»
وتابعت لوسي خلال لقائها في برنامج «عندي سؤال»، من تقديم محمد قيس عبر قناة «المشهد»: «الحرام اللي هو الزنا والقتل والنصب والسرقة والاغتصاب، الحرام كتير جدا وبيبقى في الخفى لكن الحلال دايما في النور، والرقص مش في أوض النوم الرقص على المسارح والأفراح وأكبر الأماكن في أوروبا، أنا عندي شهادات إني أحسن سفير لبلدي في الأخلاق والفن والاحترام، لو دخلنا في حتة الحلال والحرام عايزالها برامج وناس مشرعين».
وخلال اللقاء كشفت لوسي عن أجمل الأشياء في «الكباريه» من وجهة نظرها قائلة: «أجمل ما في الكباريه الناس اللي جايالك تتفرج على شغلك واستعراضاتك وتسمع صوتك وتشوف أدائك، والرزق للناس اللي حواليك».
وتابعت لوسي: «الكباريه كلمة فرنساوي» تعني «بعد الساعة 12»، لأن الناس بتاخدها أن في حاجات مش حلوة، السينما المصرية هي اللي صورت للناس الكباريه كده».
أما عن مهنة الرقص فأكدت لوسي أنه فن راق، لكن اسم راقصة ظلمها كثيرًا، وقالت: «لقب راقصة ظلمني كممثلة وإنسانة في المجتمع اللي بيبص لفن زي الباليه أو الرقص الشعبي أو السالسا، أنواع الرقص كله بيبصوا له بصة مش في مكانها».
تابعوا آخر أهل مصر على Google News
