كندة علوش عن إصابتها بالسرطان: جدتي وخالي وخالتي ماتوا بيه

كشفت الفنانة كندة علوش تفاصيل جديدة عن إصابتها مرض سرطان الثدي، بعدما أعلنت الإصابة به خلال برنامج الإعلامية منى الشاذلي، الليلة عبر موقع يوتيوب.

وقالت كندة علوش في البرنامج: 'ربنا نزّل عليا من أول ثانية سكينة وطمأنينة رهيبة من وقتها، وبقالي سنة وشهر بتلقى العلاج الكيماوي، وعمرو جوزي كان بيصر يجي معايا جلسات الكيماوي، وكنت بقرأ قرآن خلالها'.

وتابعت كندة علوش حديثها: 'عندي تاريخ مرضي في العيلة مع السرطان خالي وجدتي وخالتي توفوا بيه، بس مكنتش متوقعة يجيلي.. ورفضت إني أقول لحد عشان كنت عاوزة أخوض الرحلة لوحدي، ومحدش يتعامل معايا كمريضة، عشان مدخلش في موود المرض وأتعب بزيادة'.

وواصلت كندة: 'قررت أعيش حياتي بشكل طبيعي، لأن أولادي صغيرين فمينفعش أدخل أجواء المرض للبيت، وكنت بسيبهم في المصيف كل أسبوع آجي أخد جرعة الكيماوي وأرجع في نفس اليوم.. وده كان شيء مرهق جدا'.