بعد استهزائها بـ«الثانوية العامة».. سمية الخشاب في مرمى نيران مروة صبري

فتحت الإعلامية مروة صبري النار على الفنانة سمية الخشاب، بسبب رأيها في الثانوية العامة ونصيحتي للطلاب، وذلك خلال برنامجها قعدة ستات.

وقالت مروة صبري: 'سمية الخشاب في عز الخوف والرعب، والطلاب قاعدين بيذاكروا ومرعوبين ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعلمها قرطاس طعمية'.

مروة صبري تفتح النار على سمية الخشاب

وأضافت مروة صبرى: 'أنا قلت الصفحة بتاعتها اتسرقت أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب، أي حد مشهور في المجتمع إحنا بنبقى واخدينه قدوة وبنبقى شايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن اعتقد أن مفيش حد ممكن يأثر فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي'.

الثانوية العامة

وتابعت مروة صبرى: 'العيال الغلابة اللي قاعدين بيذاكروا ونفسهم ينجحوا ويعملوا أحسن حاجة ويحققوا أحسن النتايج ويدخلوا أحسن الكليات وتطلعي تقولي في الآخر هتعملها قرطاس طعمية ولا قرطاس لب؟'.

وأنهت مروة صبرى كلامها: 'للأسف اتأكدت أن الصفحة بتاعة سمية الخشاب متسرقتش والبوست هي اللي كاتباه ودي من الحاجات الغريبة جدا، متسمعوش كلام سمية الخشاب الشهادة مهمة وبتحدد مصير'.