عبر مطرب المهرجانات الشعبية كزبرة، عن معاناته مع المرحلة الدراسية في الثانوية العامة، وأكد أنها كانت من أصعب الفترات في حياته، وذلك بالتزامن مع ظهور نتيجة الثانوية لعام 2024 أمس.
وكتب كزبرة في منشور عبر خاصية ستوري بموقع تبادل الصور والفيديوهات انستجرام: يوم النتيجة بيفكرني بأصعب أيام حياتي زي النهاردة أنا كنت جايب 67% في الثانوية عامة وساعتها المجموع ده مكنش أحسن حاجة وقولت الحمد لله وساعتها قولت أنا هفضل مركز في الحاجة اللي بحبها ومحدش كان مصدقني وأقرب الناس ليا ودعيت ربنا إنه يكرمني وميأستش والحمد لله وصلت لأول سلمة من حلمي السنة دي بعد ما اتمرمط سنين وانتقادات توصل الواحد إنه ينتحر.
وتابع كزبرة حديثه، قائلا: فأنا حابب أقولكم إن الدنيا حلوة وربنا أكيد ليه حكمة في اللي بتحصل وبيدي كل واحد على قد تعبه فمحدش ييأس والدنيا موقفتش وتقدر تثبت لنفسك ولكل اللي حواليك إنك تقدر تنجح وربنا يكرم الجميع، وبالنسبة للناس اللي نجحت وجابت مجموع اللي نفسها فيه مبروك وربنا يكتب للجميع الخير والنجاح الدايم.
تابعوا آخر أهل مصر على Google News
