عمرو سعد عن مطعم لم يستطيع دخوله بفرنسا بسبب الفقر: دلوقتي أقدر أشتريه وهاعمل كده

استعاد الفنان عمرو سعد ذكرياته في فرنسا، راويا تفاصيل أول زيارة قام بها حينما كان في بداية مشواره الفني، وكيف كانت حالته المادية صعبة وقتها.

وكتب عمرو سعد عبر حسابه الشخصي على موقع التواصل الإجتماعي فيس بوك:'أول مرة اسافر سافرت فرنسا كنت سالف فلوس تذكرة الطيران من أمي اللي دفعت كل اللي حيلتها علشان أكون مع مجموعة نجوم الفيلم اللي أول مرة أشارك فيه وقفت قدام المطعم ده ولقيت الفلوس اللي باقيه معايا ما تجيبش طبق سلطة هنا حتى … وكنت جعان جدا'.

وأضاف عمرو سعد:' كل النجوم الكبار كانوا هناك وأنا كنت اكيد مش هاقول لمخلوق اني مش معايا فلوس ومشيت بهدوء ناحية كشك أخدت منه سندوتش تونه وشربت من حنفية عند النافوره اللي هناك'.

وأختتم عمرو سعد رسالته قائلا:'الكلام ده كان من زمان وقتها كان عندي ٢٤ سنة، النهارده الحمد لله أقدر اشتري المطعم وهاعمل كده ان شاء الله إهداءاً لامي'.