شن الشاعر الغنائي تامر حسين هجوما حادا على أحد الملحنين، دون أن يكشف من هو، كتب عبر حسابه على فيسبوك: 'ردا على فيديو المُلحن سليط اللسان قبيح القول، أنا فعلا غلطت لما قُلت على المُحترمين المُبدعين مدين أو عزيز زمايلك، على أساس أنك معانا ف الوسط وراجل كُنت ملحن كبير وعاقل، وحذرتك تتهم حد ناجح ومكسر الدنيا بالباطل والافتراءات الكدابة اللى بتخترعها في أي نجاح كبير يلتف حواليه الناس'.
وأضاف: 'أنت لا ترتقى إنسانيا، تبقى زميل لواحد فيهم شتان فرق الأخلاق دا أنا اللي بعتذرلهمُ على التشبيه غير الموفق مني ظلمُتهم'.
وتابع: 'ثانيا لو جبت سيرتك بالخير، فأنا بعمل بأصلي في أي لقاء وأي برنامج وبتربيتي، وبقول عيب عنده أولاد كُبار، يتشرفوا بباباهم متردش الإساءة بالإساءة، معنديش فُجر الخصومة، ولا هبقى مُتقلب الود زيك مع كل اللي أحسنوا إليك وساعدوك، عشان لما حد من الجمهور المحترم يشوفني ميقولش عليا قليل الأصل، ونتساوى في القُبح، ودي آخر مرة هغلط وأجيب سيرتك، لأني ما بقيتش أتشرف بيها، وباتكسِف منها'.
وأتم تامر حسين بالقول: 'الناس عارفة كويس وفاهمة مين فينا صادق ومين كداب، بالمواقف والسنين والاحترام والتقدير، والحمد لله أن ربنا أنعم عليّا وخلانى شخص سوي، وباعقل كلامي واحترم نفسي، لا في قلبى غل ولا حقد ولا باعترض على اللي ربنا كاتبهُ لزمايلي، ببارك للجميع بقلب أبيض، ما بقلّلش من مجهودهم ونجاحهم، ودى آخر رسالة تتقالك باحترام، اللي جاي هيبقى عداني العيب، احترم سنك احترم نفسك احترم أن عندك أسرة ميصحش يبقى cv من بعد ما كان نجاحات، يبقى خِناقات وسيرة سيئة، لأن محدش هيسكتلك تاني على أي تجاوز'.
تابعوا آخر أهل مصر على Google News
