سر نبوءة فؤاد المهندس بنجومية علاء ولي الدين بعد فيلم الناظر

روى محمد فؤاد المهندس أسرار علاقة والده بالفنان الراحل علاء ولي الدين.

وقال نجل الفنان فؤاد المهندس، أثناء لقاء خاص مع الإعلامية دينا رامز، والإعلامية آية شعيب، والإعلامي شريف نور الدين، ببرنامج "أنا وهو وهي"، المذاع على قناة صدى البلد: "في مرة لقيت الأستاذ بيضحك قوي، وأنا في الوقت دا كنت عايش معاه، كان يعرف علاء ومحمد هنيدي، وشاف مشهد لعلاء ولي الدين من فيلم الناظر، وقالي أنا عايز أروح أشوف الفيلم دا".

وتابع محمد فؤاد المهندس: "اتصلت بالمخرج شريف عرفة، وقلت له الأستاذ عايز ييجي يتفرج على الفيلم، وحددنا المعاد وروحنا ومعايا ابني وواحد صاحبي، فلقينا شريف عرفة، وعلاء نور الدين، واقفين في انتظارنا، واتفرجنا على الفيلم وانبسط منه جدًا، وقالي الولد دا هيبقى ممتاز عشان من جواه صافي وطيب".