تصدر مؤخرا الفنان تامر هجرس، ترند جوجل ومواقع التواصل الاجتماعي المختلفة بعد تصريحات مثيرة للجدل له في برنامج «تفاصيل»، مع الإعلامية نهال طايل والتي تحدث فيها عن تجربته مع الزعيم عادل إمام في التجربة الدنماركية، وأداؤه لصلاة الفجر في موعدها وهل هناك خلاف حدث بينه وبين النجم محمد رمضان في فيلم الديزل.
وكانت تصريحات تامر هجرس كالآتي:
_ عادل إمام تاريخ مشرف وكبير ومن الصعب أن يعمل الفنان في بداية مرحلته الفنية مع نجم كبير.
_ فخور للغاية بعملي مع محمود عبدالعزيز في باب الخلق، ومديحة يسري وسميرة أحمد أصدقائي للغاية ويسرا صديقتي داخل الوسط الفني وخارجه.
_ الزعيم عادل إمام في فيلم التجربة الدنماركية قالي أنا عاوز هجرس اللي أنا أعرفه مش اللي بيمثل.. أنا مش بحب اللي يمثل لاني وقتها كنت متردد وقلقان شوية.
_ أصعب مشهد في «التجربة الدنماركية» هو مشهد الملامكة.
_ الراجل اللي مش بيحب يتكلم عن مراته بيبقى عنده نقص في حياته أو محتاج يشتهر شوية.
_ إحنا دورنا كشخصية عامة مهم أني أدي الحاجات الإيجابية وأني أقول أن مراتي ست حلوة وجميلة وجدعه ووقفت جنبي.
_ «جوازة توكسيك» حقق ملايين الجنيهات وتخطى نجاح فيلمي الثاني «شوجر دادي».
_ أنا بضايق من صحابي لما بيكونوا عندهم أولاد والواد ده بيفتخر أنه مصاحب اتنين يمكن أنت بتحترم المرأة بس الولد ده عنده 16 سنة وأنت كده بتربي فيه حاجه ودي حاجه غلط.
_ مهم جدا لما نحب المرآة نحبها زي ما هي وفي رجالة بتقول لزوجاتهم متخرجيش ومتلبسيش ده ويخنقها رغم أنه حبها زي ما هي.
_ الصلاة هي بالنسبة للي نوع من التأمل وهي بداية يومي وأشعر بأن قرآة القرآن الكريم هو الشيء الروحاني الذي ينظف قلب البني آدم من الداخل.
_ بهتم بصلاة الفجر في وقتها ويطبحاول جاهداً على فعل ذلك الشيء بشكل يومي.
_ نسبة إحصائيات الطلاق في مصر 87% وهو أمر قاسي للغاية وهناك أشخاص يعوضون نقصهم من خلال تجربة زواج ثانية.
_ كنت شخص لذيذ مع خطيب بنتي ومطلبتش منه شبكة غالية وهو بيته قريب من بيتنا وإن شاء الله ربنا يوفقه.
_ ياسمين صبري بتضحكني وهي ممثلة شاطرة ولذيذة وكانت بتقولي يا أونكل رغم أن فرق السن اللي بينا مش كبير.
_ بحب أسمع القرآن الكريم وأنا في الجيم بسمع أية معينة تريحني أو أدعية والأغاني بتقع مني.
_ بحب أسمع القرآن الكريم بصوت ناصر القطامي والشيخ مشاري راشد.
_ أنا بالنسبة لي الهدف الأعلى هو القناعة ودي حاجه بتيجي من الرضا والتوكل على الله.
_ الشللية موجودة في الوسط الفني، ومنتشرة للغاية وصعبة ولكن عندما يندمج الفنان مع مجموعة معينة وينسجم معهم بحكم أنهما متواجدان بشكل مستمر.
_ مفيش خلافات بيني وبين الفنان محمد رمضان في فيلم الديزل واللي روج للموضوع ربما قد يكون من جانب الشركة المنتجة حتى يحصل العمل على إيرادات قوية.
_ ياسمين صبري ممثلة جميلة للغاية وكانت بتسألني قبل التصوير «هو حضرتك عندك بنات فعلاً؟».
تابعوا آخر أهل مصر على Google News
