أجابت الفنانة والراقصة دينا على استفسار أحد متابعيها حول عدد زيجاتها، موضحة أنها أحيانًا لا تتذكر العدد بسبب تعددها.
ونشرت عبر صفحتها الرسمية بموقع «إنستجرام»: «اتجوزتي كام مرة؟ دايمًا بيقولوا السؤال ده ومش فاهماهم أوي، دينا انتي اتجوزتي كام مرة؟ أحيانًا في برامج كتير لما بيقولولي السؤال ده ببقى متلخبطة وبقول والله ما أنا فاكرة، وفعلا ساعتها».
دينا: «اتجوزت 9 مرات ومش عارفة هكمل لـ كام»
وتابعت: «ماببقاش فاكرة برضوا دماغي مش دفتر يعني، أنا إتجوزت كتير بس مش أكتر من تحية كاريوكا هي اتجوزت 13 مرة، أنا اتجوزت 9 بس والله أقل منها بكتير».
وأكملت: «بس أنا لسة ناوية لسة مش عارفة هيبقوا كام مرة، أنا بعتقد أن الجواز هتكلم جد بقى كفاية هزار، أنا اتجوزت كتير لأني ماصحبتش، أنا ما بصاحبش بتجوز، يمكن لو كنت بصاحب كنت اتجوزت مرتين في حياتي أو مرة، بس أنا مش بصاحب أنا بتجوز، ولما بعرف حد ويبقى قريب مني بتجوزه، وأنا بشوف إن العلاقات بين الراجل والست علاقات بتنتهي بجواز».
تابعوا آخر أهل مصر على Google News
