جيهان سلامة تروى كواليس تعرضها لعلقة ساخنة من زوجها

حلت الفنانة جيهان سلامة، ضيفة مساء اليوم الجمعة على برنامج كلام الناس الذي تقدمه الإعلامية ياسمين عز عبر قناة ام بي سي مصر.

بنسيب بعض ونتخانق

وقالت جيهان سلامة عن زواجها: 'عرفنا بعض 22 يوم وخلال الفترة دي كان أتقدم لأهلي واتجوزنا، كنت قبل ما اعرفه بحب حد وخاني وكنت عاوزة انتقم، قولت مش عاوزة أشوف وشه رحت حبيت حد بسرعة جدًا واتجوزته لأني كنت تعبت أوي من التجربة الأولانية وكنت عاوزة استقر واعمل بيت واخلف وهدوء بقى شوية'.

علقة ساخنة من زوجها

وتابعت: 'وكانت علاقتي بيه طويلة كنا بنسيب بعض ونتخانق، وحبيبي الجديد داخلي بقى بجو رومانسي رهيب وعاوز يقابل أهلي واداني كل الأمان انه مش راجل بيعلب بيا وأكبر مني واتقدم لأهلي وهم مارضوش ساعتها وأنا صممت'.وواصلت جيهان سلامة: 'واتجوزنا هو كان عايش حياته بيشتغل بره مصر وكانت قصة حب عنيفة بعدين في يوم كان بره البيت بعد أسبوع من الجواز، لقيته داخل بيرزع الباب وزانقني في الحيطة بيقولي هي دي الأفلام اللي عملتيها، وأنا مش فاهمة أي حاجة خالص والمشهد انا كنت مذعورة بس مخضوضة من الباب والزعيق، وحصلت خناقة رهيبة ومد إيده عليا وأنا مذهولة مش فاهمة معناه ايه؟'.