فارس لـ محمد رحيم: كان نفسي نتصالح قبل ما تمشي

حرص الفنان فارس على نعي الملحن الراحل محمد رحيم، الذي توفي فجر السبت عن عمر يناهز 44 عاما.

وقال فارس عبر فيس بوك: "ياااااه يارحيم كان نفسي نتصالح أنا وأنت قبل ما تمشي وتسيبنا، لكن للأسف بعدى سنين كتير عن الوسط الفني، منع اللقاء والتواصل، وأنا أكتر واحد عارف إنك اتحاربت كتير".

وتابع فارس: "في حاجات أنا عارفها وكنا بنضحك عليها أنا وانت في بداياتك، بس للأسف مينفعش أقولها دلوقتي لأنها هتفضح شخص معين، عمري مهنسى حبك ليا وإيمانك بيا، وكنت بتخسر نجوم عشان ترضيني في لحن أغنية، كانت مطلوبة من نجوم كبار".

وواصل فارس: "عملنا أغاني كتير سوا في فترة كانت من أجمل وأزهى الفترات في جيلى.. حاجات كتير نفسي أقولها بس مش وقته.. وفي النهاية بقولك صحيح متقابلناش قبل ما تمشي، لكن عسى الله أن يجمعنا في دار الحق برحمته وغفرانه".