إنهيار حسين فهمي عند حديثه عن شقيقه مصطفى فهمي

دخل النجم حسين فهمي في نوبة بكاء عند حديثه عن شقيقه الراحل مصطفى فهمي، خلال حلوله ضيفًا في برنامج "العرافة" مع الإعلامية بسمة وهبة.

وقال حسين فهمي:"كان لذيذ وكنا أصحاب، أكتر من إخوات، والصداقة مهمة في العلاقات دي، وهو أخويا الصغير، بس كنت دايمًا أقول له:إنت أخويا الكبير، هو اللي بينصحني ويقول لي اعمل كده ومتعملش كده."

وأضاف بحزن:"أنا بس بفكر فيه إنه سافر، يعني أنا بالنسبة لي هو مسافر، موجود في حتة وهشوفه لما يرجع.. أنا بشوفها كده".

وتابع متأثرًا:"الظروف كانت صعبة جدًا، مصطفى تعب وأنا كنت في فترة الإعداد للمهرجان، وكان لازم أقوم بواجبي، كانت فترة صعبة أوي، شغلتنا كده، بنعمل شغل جماهيري، والجمهور مالوش ذنب، في حاجات لازم تتعمل، بنقف على المسرح وزميل ليا كان معايا الليلة اللي فاتت وتوفى في حادثة، وأنا لازم أفتح الستارة.. بتضطر تعمليها، شغلتنا صعبة مش سهلة، معندناش رفاهية إنك تقولي لأ، أنا عايزة آخد فترة حزن".

واختتم كلامه عن علاقته بشقيقه الراحل، قائلًا:

"كنت بلاقي حد أتكلم معاه، وأدردش معاه، وفاهمني وفاهمه، الصداقة هنا عدينا مرحلة الأخوة، الصداقة بتبقى أقوى".