كشف المخرج محمد سامي عن اعتزاله الإخراج للدراما التلفزيونية، فيما أعلن عن سفره للخارج لمدة عامين للدراسة مجال من المجالات المحببة له، مؤكدًا أن هذا العام هو عام توديع الإخراج للدراما التلفزيونية، موضحا :وداعًا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي 15 سنة، قدمت فيهم كل اللي قدرت عليه لإسعاد الجمهور العربي،.
سامي: بفضل ربنا حققت نجاحات مع نجوم كتير
وأضاف خلال حسابه على موقع فيسبوك: وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايمًا الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو 1 اعتزال الإخراج التلفزيوني ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها 2025، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده.
وتابع: الحمد لله 2 آخر عملين ليا "إش إش" و"سيد الناس" حققوا نجاح أنا سعيد بيه، كل يوم بلدي العظيمة مصر بتطلع صناع جدد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي،.
محمد سامي: شكرا لكل حد ساعدني
واستكمل: شكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلق 3 استحسان الجمهور أو إعجابهم في الآخر الفنان دايمًا بيجرب والفنون جنون زي ما بيقولوا، ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة 4 بيحبها عشان يعمل حاجة تانية بيحبها برضو وعايز يجربها بس محتاج عيلة تسنده على اتخاذ قراره.
واختتم حديثه قائلا: كل التوفيق لكل زمايلي وبحبكم وبشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة".
تابعوا آخر أهل مصر على Google News
