أعرب السيناريست وائل حمدي عن سعادته البالغة بردود الأفعال الواسعة التي حققها فيلم '6 أيام' بعد عرضه على منصة 'يانجو بلاي'.
وقال وائل حمدي في بيان صحفي اليوم:'ماكنتش متوقع أبدًا إن الفيلم يعمل الصدى ده بعد عرضه، كان عندي ثقة في الفيلم لكن ماتوقعتش يوصل بالشكل ده للجمهور، فجأة الناس بدأت تحلل، تكتب، وتشارك تجارب شخصية شبيهة بتجربة أبطال الفيلم، وده كان من أكتر الحاجات اللي أسعدتني' .
الفيلم الذي يتناول قصة حب تتشكل عبر لقاءات متفرقة على مدار سنوات، لاقى تفاعلًا كبيرًا من الجمهور على مواقع التواصل الاجتماعي، وتحديدًا في الطريقة التي جسّد بها السيناريو التحولات النفسية والعاطفية التي تفرضها الحياة والزمن على علاقة الحب.
وتحدث وائل حمدي عن أن قصة يوسف وعالية لا تقوم على الواقعية المطلقة، بل تتضمن بعدًا يتجاوز الواقع نحو ما يمكن تسميته بـ'الفوق واقعية'. وقال: 'رغم إن كتير من الناس شافوا إن علاقتهم تشبه تجارب حقيقية مروا بيها، لكن أنا من البداية كنت شايف إن القصة دي مش لازم تنتهي نهاية تقليدية أو واقعية تمامًا، فاخترت نهاية تُغلق الدائرة بشكل ما.'
وتصدرت إشادات الجمهور أداء الممثلين، لكن كثيرًا من التعليقات توقفت عند قوة الكتابة، واعتبرها البعض 'العمود الفقري للفيلم'، لما فيها من صدق، وشفافية، وواقعية تلامس المشاهدين في أعماقهم، على سبيل المثال كتب محمد الكامل على منصة x (تويتر سابقاً) 'الكتابة والسيناريو كان هايل من وائل حمدي، ومافيش أي ملل ولا زهق في الفيلم رغم انهم اتنين ممثلين بس'، كما علق محمد تايفون 'ده فيلم وائل حمدي بكل تفاصيله وهو أكبر سبب في إنه يبقى بالجمال الي ظهر بيه'، كما أضافت رضوى مدحت 'فيلم 6 أيام جميل وحساس ولمس معايا في حاجات كتير'.
وعلى منصة فيسبوك، كتبت فاطمة فتحي 'من سنين ماشفتش سيناريو فيلم مافيهوش كلمة زيادة ولو حذفت جملة من المشهد يختل توازنه، صنعة معلم مش مجرد كاتب'، كما علق محمد حجازي 'فيلم رقيق ودافي جداً، والسيناريو وتمثيل البطلين خلاني مصدق التغييرات الي بتحصلهم كل سنة'، وكتب محمد الشربيني 'السيناريو الي قدمه وائل حمدي عمل خلاصة لكل حاجة بتحس بيها في حياتك، وكل مرحلة ممكن تكون عديت عليها'.
تابعوا آخر أهل مصر على Google News
