أعربت الفنانة راندا البحيري عن إعجابها الشديد بالجزء الثالث من مسلسل 'كامل العدد'، الذي عُرض ضمن موسم دراما رمضان الماضي، ووجهت إشادة خاصة بالفنانة دينا الشربيني، وذلك عبر منشور لها على حسابها الرسمي بموقع التواصل الاجتماعي 'فيسبوك'.
قالت البحيري في منشورها:'النهارده خلصت مشاهدة مسلسل كامل العدد الجزء التالت، بعد ما كنت شوفت الأول والتاني أكيد قبل كده.
وعايزة في أول البوست ده أسجل إعجابي بـ دينا الشربيني جدا، أنا أصلاً بحبها، بس المسلسل ده خلاني أحبها أكتر وأكتر.
طبيعية بشكل ميتوصفش، وحقيقية وكأنها بجد أم!، أنا ساعات بسرح وأنا بتفرج وبقول: (هي إزاي المشاعر دي؟! هي تعرفها وهي مش أم في الحقيقة؟)'.
وأضافت:'دينا الشربيني ممثلة عبقرية، حساسة، جميلة جدًا، وطيبة من غير ما أعرفها، وده واضح أوي من طاقتها، ومن الطريقة اللي بتمثل بيها، ومن طبيعتها في المشاهد'.
كما أثنت على الفنان شريف سلامة وباقي فريق العمل قائلة:'شريف سلامة ممثل جميييل، وكل ولادها في المسلسل هايلين بجد، حتى أصغر طفل اللي لسه مش بيتكلم… هايل هايل!
الكاستينج رهيب في المسلسل، بس البوست ده لـ دينا بس، وممكن بعد كده أكتب بوستات تانية لبقية المسلسل'.
واختتمت منشورها بتحية حماسية قالت فيها:
'بجد... عاش يا دينا، أقسم بالله العظيم تجنّني!'.
تابعوا آخر أهل مصر على Google News
