فريدة سيف النصر: اتنصب عليّا في بيتي.. خدوا الغسالة والعربون واختفوا

كشفت الفنانة فريدة سيف النصر عن تعرضها لواقعة نصب واحتيال داخل منزلها، بعد أن استعانت بأحد الأرقام المُعلنة لصيانة الغسالات، حيث حضرا وقاما بفك الغسالة بحجة تصليحها، وأخبراها أن عملية الإصلاح ستستغرق يومين أو ثلاثة، إلا أنه مر أكثر من عشرة أيام دون أن يعودا، كما تجاهلا الرد على اتصالاتها.

وكتبت فريدة عبر حسابها الرسمي على 'فيسبوك':'اتنصب عليا ولا إيه؟ قفايا استوى.. آه والله دخلوا وفكوها برضاي، وأنا طبعًا مش شايفة ومش هادخل حمام الغسيل معاهم يعني! كمان أخدوا 1500 جنيه عربون. والشغالة – الله لا يسامحها – مش معايا دلوقتي، وقشطتني هي كمان.'

وتابعت بلهجة حزينة ومتحسّرة:

'هو أنا شكلي يضحك فعلاً؟ غير تفكيري المسالم ده... أعمل إيه؟ المشكلة إن ابني هيزعل وهيقلب الدنيا، وكلامه دايمًا صح: (بطلي يا ماما تتعاملي مع الناس)! ده ابني، وده أخويا وأبوي، مفيش كده دلوقتي خلاص... طيب أبلغ؟ ولا يمكن حصل لهم حاجة؟ أستنى شوية؟ مش عارفة... ومش عايزة حد يتأذي بسببي... شوروا عليا.'