رانيا فريد شوقي تحتفل بعيد ميلادها: ماكنتش متوقعة كل الحب ده

وجهت الفنانة رانيا فريد شوقي رسالة بمناسبة عيد ميلادها، وأعربت عن سعادتها البالغة بالحب الذي رأته من كل جمهورها ومحبيها، وذلك عبر حسابها الشخصي على موقع التواصل الاجتماعي فيسبوك.وقالت رانيا:'من قلبي... شكرًا ليكم، في يوم ميلادي، ماكنتش متوقعة كل الحب ده، كل كلمة، كل رسالة، كل دعوة حلوة، وكل حد افتكرني وبعتلي و أصحابي اللي احتفلوا بيا و بناتي اللي عملولي surprise party و جوزي كل حاجة فرقت معايا أكتر مما تتخيلوا'.

تابعت:'أنا حقيقي ممتنة ليكم، مش بس علشان المعايدات، لكن علشان وجودكم في حياتي. محبتكم وصلت لقلبي وخففت عني حاجات كتير'.

واختتمت رانيا فريد شوقي:'كل معايدة كانت بالنسبالي لمسة دفا، ضحكة، واحتواء..حسيت إني محبوبة، ومش لوحدي، وإن في ناس لسه الخير فيهم، والقلوب الحلوة لسه موجودة..شكرًا من قلبي ليكم، على وقتكم، واهتمامكم، ومحبتكم. وجودكم في حياتي هو أعظم هدية ممكن أتمناها..ربنا يديمكم نعمة في حياتي، ويفرح قلوبكم زي ما فرحتوني'.