نشر الفنان تامر شلتوت عبر حسابه الرسمي على موقع فيسبوك منشورًا إنسانيًا مؤثرًا، سلط فيه الضوء على حالة الطفل 'علي' المصاب بمرض نادر وخطير، مناشدًا جمهوره بالمساهمة في إنقاذ حياته.
وجاء نص منشور تامر شلتوت كالتالي:'علي' عنده ٨ سنين طفل عنده مرض الدوشن ' ضمور العضلات الشوكي ' .. مرض جيني بيدمر كل عضلات الطفل لغاية ما القلب يقف، علي محتاج حقنة بـ ١٥٠ مليون جنيه، رقم ولا في الخيال .. بس مفيش حاجه كبيرة علي المولي عز و جل'.
وتابع:'علي وحيد أمه و جه بعد ١٥ سنه إنتظار، مش عارف أقول إيه، أنا عايز كلنا نساعد حتي و لو بمبلغ صغير جداً، صدقني ربنا هيباركك، الحمد لله قدرت أجمع لغاية دلوقتي من ٣ لايفات ٧ مليون جنيه، ولسه المشوار طويل بس أكيد هنقدر و وهنبقى سبب في إحياء طفل هيعيش و يكبر و نبقي سبب في إحياء نفس و ده ثوابه كبير.. هسيب لكم أرقام الحسابات للتبرع في الكومنتات و ربنا يجزيكم خير و يحمي ولادنا جميعا'.
وقد أرفق المنشور بعدة صور له مع الطفل 'علي' أثناء لقائه به ووالدته، في لحظة إنسانية مؤثرة، انعكست فيها مشاعر الأمل والإيمان بقوة الخير.
تابعوا آخر أهل مصر على Google News
