تحدث الفنان عبد العزيز مخيون عن علاقته بالفنان القدير الراحل أحمد زكي وأسباب الخلاف بينهما رغم الصداقة التي جمعت بينهما.
وقال عبد العزيز مخيون أثناء حواره ببرنامج كلام الناس على أم بي سي مصر:'أحمد زكي كان قريب مني كان بيحس إني فيا منه لأنه جاي من الشرقية وانا جاي من البحيرة كنت بحس إنه مش واخد حقه ومظلوم وهو كان بيشوفني كده كنا بنقعد نتكلم مع بعض على القهوة في وسط البلد ونهزر وعلاقتنا كانت أخوة وصداقة لما كنت اشوفله حاجه كنت بحب أشجعه'.
وتابع مخيون: 'حصل خلاف بينا بسبب تغيير حاجات في المشاهد عشان كانوا بيتعاملوا بمنطق النجم وعملوا تغيير في الحوار عشان يبقى كله مكرس للنجم، لما قولت لا أحمد زعل راح كلمني وحصل فجوة بينا بسبب الموقف ده ولما راح مستشفى دار الفؤاد روحتله ازوره رغم الزعل لأني مستغناش عنه كأخ أو صديق'.
واضاف عبد العزيز مخيون: 'أحمد زكي كان بياكل في بعضه لأنه مش راضي عن نجاحه عايز يحقق أحسن من اللي هو عمله كان عنده قلق وهو ده اللي كان مخليه فنان، الفنانين بيدفعوا تمن غالي وهو كان كده وكان متحمس وعصبي وكان بياخد الفن على أعصابه'.
تابعوا آخر أهل مصر على Google News
