بدرية طلبة: المصريون أسياد البلد.. والخرفان أعداء الوطن

خرجت الفنانة بدرية طلبة بتوضيح قوي عبر حسابها على “فيسبوك” ردًا على ما أثير حول تصريحاتها الأخيرة، مؤكدة أن اللايف الذي أثار الجدل موجود بالكامل لديها قبل أن يتم اقتطاع أجزاء منه واستخدامها بشكل يسيء لها، مشيرة إلى أنها ستقوم بنشره في الوقت المناسب لفضح من وصفتهم بـ'المغرضين'.

قالت الفنانة بدرية طلبة، في توضيح عبر حسابها على “فيسبوك”: 'اللايف كله عندي، وهيطلع في وقته علشان أوضح للشعب المصري اللي بيلعبوا بيه أنا قلت كلمة أسياد البلد لمين وكلامي كان موجه لمين'.

وأضافت بدرية: 'الكلمة دي كانت للخرفان اللي دخلوا اللايف يتهموا الحكومة إنها خطفت بنت الرئيس، ويتهموني إني قتلت جوزي، وباتاجر في الأعضاء، وبغسل أموال، وأنا بتكلم بلسان ست مصرية بتحب بلدها وبتخاف عليها، والمصريين هما أسياد البلد مش الخرفان اللي عايزين يشمتوا في مصر'.

وتابعت: 'الشعب المصري المحترم لا هو إخوان، ولا لجان، ولا ذباب إلكتروني، والمحترمين فاهمين وعارفين أنا قد إيه بحترم أهل بلدي ومينفعش أغلط فيهم'.

واستطردت: 'اللي بيقولوا بدرية بتقول ألفاظ، أيوه أشتم اللي يشتمني، ولو إنت بتسكت على حقك أنا مش بسكت، وأنا مفيش بطحة على دماغي'.

واختتمت: 'عارفة إن حتى التوضيح ده هيتلعب بيه، بس على الأقل هيكون معروف مين اللي مش عاجبه كلامي.. الخرفان واللجان اللي أكل عيشهم خراب البلد.. اللهم بلغت اللهم فاشهد'.