أحمد بتشان يكشف كواليس حادثه: كل مرة أبقى مبسوط يحصللي شيء سلبي

تعرض الفنان أحمد بتشان لحادث سير خلال الساعات القليلة الماضية، أدى إلى تهشم سيارته بشكل كبير، لكنه خرج منه سالمًا، مؤكدًا أن كل ما يحدث له من إيجابيات في حياته غالبًا يتبعها أحداث سلبية.

ونشر بتشان عبر حسابه الرسمي على فيسبوك قائلاً:'يمكن دي أول مرة أتكلم عن حاجة زي دي، وده مش أول مرة تحصل، بس حقيقي مبقتش فاهم. كل مرة أبقى مبسوط شوية وتحصل حاجة كويسة في حياتي، سواء نزول أغنية أو الاحتفال بعيد ميلادي أو أي مناسبة، لازم يحصللي حاجة بعدها.. الحمد لله على كل اللي ربنا قادر يعمله، وأنا بعمله من غير تفكير أو نشر، لأن دي حاجة بيني وبين ربنا'.

وأضاف:'الحمد لله ربنا نجاني وأنا الحمد لله كويس، والحمد لله إنها جت في الحديد وسترها معايا. ربنا يحفظ الجميع ويبعد عنا أي شر.. وأنا راضي جدًا بكل حاجة بتحصل لي، وده أكيد كرم من ربنا، لأنه كان ممكن يحصللي شيء أكبر'.

أعمال أحمد بتشان الفنية:

طرح بتشان مؤخرًا أغنيته الجديدة بعنوان 'أول ليلة فراق' من كلمات أحمد عبدالعزيز، وألحان وتوزيع ومكس وماستر يوسف حسين، تحت إشراف وتنفيذ ياسر خليل.

وكان قد قدم خلال الفترة الماضية عدة أغنيات ناجحة، منها: 'متعلق بيكي' كلمات محمد عاطف، ألحان مدين، وتوزيع ومكس وماستر نادر حمدي، 'بطلت أعد الأيام' كلمات أيمن بهجت قمر، ألحان مدين، وتوزيع ومكس وماستر نادر حمدي، 'روح' كلمات حسام سعيد، ألحان محمد شحاتة، وتوزيع ومكس وماستر توما، تحت إشراف ياسر خليل، وصُور العمل مع المخرج شادي قاسم.