تحدث المنتج موسى عيسى، منتج فيلم السلم والثعبان 2 «لعب عيال»، عن حالة الهجوم على الفيلم، لافتاً إلى أن العمل موجّه لفئة اجتماعية محددة، وأن الإيحاءات الموجودة فيه ليست فجة كما يروّج البعض.
وأوضح موسى عيسى، في تصريحات تليفزيونية قائلا: «فيه ناس ما دخلوش الفيلم وبدأوا ينتقدوه اعتمادًا على البرومو أو آراء ناس تانية، لكن في المقابل، فيه ناس دخلوا الفيلم وخرجوا مبسوطين جدًا، وشافوا إنه قصة حب حلوة ومتقنة».
وواصل عيسى حديثه:«التعليقات السلبية بتقول إن الفيلم فيه إيحاءات ومش مناسب للأطفال.. وأنا بصراحة بقول إنه فعلًا مش للأطفال.. اتكلموا كمان عن جرأة الفيلم، لكن في نفس الوقت فيه إيجابيات كبيرة، والناس حبت قصة الحب، وإنه فيلم مصري ومتصور بالكامل في مصر».
وأكمل:«من وجهة نظري، الفيلم فيه شوية إيحاءات، بس مش فجة قوي، وكل واحد بيفهمها بطريقته. ولو الفيلم مش على مزاجك أو مش من مبادئك.. ببساطة متدخلش..وأفلام زمان كان فيها أكتر من كده بكتير، وكان فيه ممثلين بيطلعوا ببدل رقص».
وأشار منتج الفيلم إلى أن الفيلم موجّه بالفعل لطبقة معينة من الجمهور بحسب طبيعة عملهم وحياتهم، لكنه شدد على أن قصة الحب يمكن تقديمها في أي طبقة اجتماعية.
وقال: «الطبقة دي موجودة فعلًا في مصر.. وليها بيوتها وطريقتها وحياتها.. ومش لازم دايمًا نعمل فيلم شعبي أو من الطبقة المتوسطة».
فيلم السلم والثعبان 2
يشارك في بطولة الفيلم عمرو يوسف، إلى جانب نخبة من النجوم منهم: أسماء جلال، ظافر العابدين، ماجد المصري، حاتم صلاح، وفدوى عابد، مع ظهور خاص للفنانة سوسن بدر. الفيلم من تأليف أحمد حسني، وإنتاج طارق العريان وموسى عيسى ومحمد رشيدي وهشام عبد الخالق، وإخراج طارق العريان.
تابعوا آخر أهل مصر على Google News
