أشادت الإعلامية نهال طايل، بفيلم الست الذي تقوم ببطولته النجمة منى زكي وعرض أمس بسينما مول مصر 6 أكتوبر، مشيرة إلى أن عدد كبير من النقاد والجمهور أكدوا مدى نجاح العمل وتجسيد سيرة أم كلثوم بشكل قوي.
وقالت نهال طايل في برنامجها تفاصيل على قناة صدى البلد 2: "منى زكي نجمة موهوبة وناس كتير من النقاد والجمهور وعدد من الفنانين أشادوا بيه والحقيقة أن الفيلم حقق نجاح كبير جدا في العرض الخاص والناس خارجة من القاعة مبسوطة ومندهشة من اللي شافته".
وتابعت نهال طايل: "منى زكي دايما في أدوارها بتثبت إنها ممثلة من العيار التقيل.. الدور ده بالتحديد خلى الناس تتكلم عنها بشكل غير طبيعي.. كل اللي شاف الفيلم قال: "منى زكي كسرت الدنيا وقدّمت أداء غير عادي".. وقدرت إنها تجسد شخصية أم كلثوم بطريقة فيها احترام لتاريخها".
وأوضحت نهال طايل: "لقينا ناس كتير بتشيد وناس بتقول إن الفيلم رجّعهم لزمن الفن الحقيقي.. وكمان رد فعل أسرة أم كلثوم لما شافوا الفيلم أعجبوا بيه وقالوا منى زكي نسخة من أم كلثوم".
تابعوا آخر أهل مصر على Google News
