بعد نجاح صحاب الأرض.. أحمد الجنايني يُشيد بزوجته منة شلبي

وجه المنتج أحمد الجنايني الإشادة بزوجته الفنانة منة شلبي بعد النجاح الذي حققه مسلسل صحاب الأرض، مؤكدًا فخره الكبير بما قدمته في العمل.

وكتب الجنايني خلال حسابه الرسمي بـ انستجرام: "مبروك من قلبي.. أنا حقيقي فخور بيكي، ومش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير. مبروك النجاح على الأداء الصادق والقوي، وعلى اختيارك دايمًا للأعمال اللي ليها معنى وتأثير ربنا يجازيكي على قد مجهودك وتعبك، وشكرًا على احترامك وإخلاصك في شغلك".

وأضاف الجنايني: دكتور بيتر إيه الحلاوة والجمال ده، قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم، وموسيقى أكثر من رائعة.. وكل ده ما كانش هيحصل من غير إنتاج قوي جدًا واقف ورا مشروع مهم زي ده كل الشكر والتقدير لكل صُنّاع هذا العمل على تقديم قصة تستحق أن تُروى.