في أحدث منشور لها عبر إنستجرام، شاركت الفنانة حلا شيحة تأملاتها الشخصية حول بعض الأشخاص في الحياة الذين يبدون في ظاهرهُم عكس ما هم عليه في الحقيقة.
وقالت حلا شيحة عبر حسابها بموقع إنستجرام: 'في ناس في الحياة تحس أنهم مفيش ريحة دم كده أو مفيش إحساس أصلاً، برودهم مستفز فعلاً'، مشيرة إلى أن بعض الأفراد يتصرفون وكأنهم 'يقتلوا القتيل ويمشوا في جنازته' دون أي شعور بالذنب.
وتضيف حلا عن النوعية التي تتحدث عنها: 'عارفين مثل 'يقتلوا القتيل ويمشوا في جنازته'... يعملوا العملة ويكملوا عادي'، معبرة عن دهشتها من الأشخاص الذين يعتقدون أنهم على الطريق الصحيح بينما أفعالهم تتناقض مع كلامهم. 'ظاهراً كلامهم عن ربنا تقول أهل الله، لكن تلاقي أفعالهم حاجة تانية خالص.'
وتكمل حديثها قائلة: 'ساعات لما تقابل النوعية دي تبقى مش مصدق، هل في ناس فعلاً كده؟' مشيرة إلى أن هؤلاء الأشخاص لا يشعرون بأخطائهم أو حتى يلاحظونها. وتضيف معبرة عن حالة من السخرية: 'ويا ما ربنا يبعث لهم رسائل عشان يوقظهم، لكن يفضلوا شايفين إنهم تمام وأن الغلط مش فيهم'.
وفي ختام منشورها، كتبت حلا: 'بس أحلى حاجة إنك تبقى خلاص شايفهم على حقيقتهم، فتضحك وتشوفهم مرة صدفة من بعيد تلاقيهم عايشين نفس الدور لسة، مكملين والهبل سايقين'. ثم تساءلت: 'هو أنا بحس النوعية دي لوحدي ولا إنتوا كمان؟ قولولي بجد يا جماعة، وأنا بتخيل ولا إيه؟'
تابعوا آخر أهل مصر على Google News
