جيلان علاء عن مجزرة التجمع: إيه الناس اللي بتستسهل القتل دي؟

علّقت الفنانة جيلان علاء على واقعة مقتل أسرة في التجمع، والتي راح ضحيتها الأب والأم وابنتاهما، معربة عن صدمتها وحزنها الشديد لما حدث.

وكتبت جيلان علاء عبر حسابها على موقع «فيسبوك»: «صباح الوجع إنك تصحى الصبح على خبر مجزرة لأسرة بينك وبينها كام شارع، والسبب 100 ألف جنيه».

وأضافت: «طب إنت جالك قلب وقتلت الأب اللي هو صاحبك وشريكك، ومفرقش معاك تيتم بناته؟ تقوم ميكفيكش ده وتستدرج الأم وبناتها يا فاجر، وتقتلهم وإنت مفهمهم إن أبوهم عمل حادثة ويجروا يلحقوه».

وأشارت الفنانة إلى حالة الحزن التي انتابتها بسبب وفاة الطفلتين، قائلة: «بنتين زي القمر، مدرستهم بتنعيهم على صفحاتها بشكل يوجع».

وتابعت متسائلة عن تأثير الحادث على زملائهما: «طب صحابهم هيحسوا بإيه في الفصل لما يدخلوا وما يلاقوش صحابهم؟ والسبب إنهم اتقتلوا! إيه الرعب ده؟ إيه الناس اللي بتستسهل القتل دي؟! إيه الغل والقرف ده؟!».