كشفت الفنانة نبيلة عبيد حقيقة الأنباء التي ترددت على مدار سنوات حول وجود خلافات بينها وبين الفنانة نادية الجندي، مؤكدة عدم وجود أي مشاعر غيرة بينهما، وأن ما أُثير بشأن علاقتهما جاء نتيجة نقل كلام بشكل غير دقيق من جانب بعض الأشخاص.
ونشرت نبيلة عبيد تصريحاتها عبر حسابها على موقع «إنستجرام»، وقالت: «مفيش غيرة بيني وبين نادية الجندي.. غيرة ليه؟! اللون اللي نادية بتقدمه أنا مابقدموش، أنا عندي لون وسكة وهي عندها لون وسكة، فهيكون فيه غيرة ليه؟».
وعن أسباب انتشار الحديث عن وجود خلاف بينهما، أوضحت: «ده من تدخل بعض الأشخاص في نقل كلام غلط مش مظبوط، بيقولولها هي كلام مش حقيقي. أنا قعدت 3 سنين مش عارفة هي المشكلة إيه».
وأضافت أنها اكتشفت الأمر بعد أن طرحت عليها إحدى الصحفيات سؤالًا بشأن الخلاف، قائلة: «مرة قاعدة معايا صحفية اسمها عائشة صالح، كانت في مجلة المصور، طرحت عليا السؤال ده، وقالت لي حصل وحصل، قلت لها ليه؟ أنا ماعنديش أي فكرة عن كل ده».
وتابعت نبيلة عبيد: «بدأت أتتبع بقى اللي بيجولي ويتكلموا ويعملوا معايا موضوعات، ياخدوا كلام ويوصلوه بشكل خاطئ. لمدة 3 سنين أنا ماكنتش مشغولة غير بشغلي وتحضيراتي والحاجات دي كلها».
وأشارت إلى احتمال تعمد البعض نقل تصريحاتها بصورة مغلوطة، قائلة: «أنا من ناحيتي ماعنديش، بس يجوز الناس اللي بيتكلموا معاها هما اللي بيحرفوا الكلام وهما اللي قاصدين يعملوا كده».
واختتمت نبيلة عبيد حديثها بالتأكيد على أنها تضع تركيزها على عملها، قائلة: «بالنسبة لنادية أو أي حد تاني، ماعنديش غير ثقتي في ربنا وشغلي والناس اللي بتعامل معاهم».
تابعوا آخر أهل مصر على Google News
