انتقدت الفنانة زينة منصور بعض التعليقات التي تتعرض لها عبر مواقع التواصل الاجتماعي، معربة عن استيائها من حالة الهجوم والانتقادات التي يتعرض لها الفنانون وغيرهم، متسائلة عن الدافع وراء هذه التعليقات وما إذا كان أصحابها يحققون مكاسب من ورائها.
وقالت زينة منصور خلال مقابلة تلفزيونية في برنامج تفاصيل مع الإعلامية نهال طايل عبر فضائية صدى البلد 2: «ماعرفش هما بيكسبوا من ده ، ولا دي لجان، ولا ده حد بيأجر حد، والموضوع ده بيزعلني، اتقوا الله، علشان خاطر أي لفظ بيطلع من الإنسان حسابه عند الله عظيم».
وأردفت زينة منصور: «ليه الناس بقت كده؟ ليه مجتمعنا بقى كده؟ السوشيال ميديا مع جهل، زي ما انتقدوا كزبرة، وزي ما بينتقدوا الناس، لدرجة إن هما لو ما عرفوش يحوروا، هيحوروا على نفسهم ، أو يشتموا نفسهم ».
وأكدت زينة منصور تمسكها بتقديم أدوار مختلفة وعدم تكرار نفسها، قائلة: «أنا مش عايزة أعمل حاجة اتعملت قبل كده أصلًا، نفسي أقدم حاجات مختلفة، وأعمل شخصيات يكون فيها جديد بالنسبة لي وللناس».
واختتمت الفنانة زينة منصور بأن هناك هناك فنانة كبيرة "نفسنت" عليها بدون وجه أي حق ولا تعرف ماذا فعلت معها لكي تكرهها وتحقد عليها بهذا الشكل.
تابعوا آخر أهل مصر على Google News
