أمنية حسن: 10 سنوات في الطب والمسرح حاضر في حياتي

كشفت الفنانة أمنية حسن تفاصيل انتقالها من دراسة الطب والعمل كطبيبة إلى دراسة الفنون المسرحية، موضحة أن الفن كان جزءا أساسيا من حياتها منذ الصغر، وأنها اعتادت الجمع بين الدراسة والأنشطة الفنية.

وقالت خلال لقائها مع سارة سامي في برنامج «أنا وهو وهي» المذاع على قناة «صدى البلد»: « أنا من أيام المدرسة وأنا متعودة إنه دايما يبقى في حاجة جنب الدراسة ممكن أكون بطلع الأولى عالفصل بس أنا في مزيكا، في مسرح، في حاجة فنية، حاجة آرتيستك من وأنا صغيرة متعلمة أعمل دا، ومتعودة أعمل دا».

وأضافت أمنية حسن: «لما كبرت أول ما دخلت الكلية حطيت رجلي كدا قولت: فين المسرح؟ فين فريق الكورال؟ دا لازم يبقى موجود، والاتنين بحس إن هما قريبين الطب صعببس هو ستيل فن، وخصوصًا إن أنا جلدية وتجميل فبرضو حاجة شوية آرتيستك أكتر، أنا بحس إنه دا جزء من شخصيتي، إن أنا يبقى في جزء فني دا لازم يبقى ملازمني، خلاص بقيت أنا النصين، بس».

وعن قدرتها على التوفيق بين الطب والفن، قالت: «بالنسبة للعارفة أوفق ولا لأ، ساعات بروح للفن أكتر على حسب البروجكتس اللي أنا داخلة فيها، وغصب عني ممكن تيجي عالطب، والعكس صحيح، يعني أنا قعدت 10 سنين طب بس، وبعمل مسرح كدا على خفيف»