أمير كرارة يبعث رسالة لـ أحمد عز ويكشف كواليس الحوار الذي دار بينهم في كواليس "الممر" (فيديو)

وجه الفنان أمير كرارة رسالة للفنان أحمد عز، وكشف ايضا عن الحوار الذي دار بينهما خلال لقائهما في كواليس فيلم 'الممر'، الذي عرض في السينمات موسم عيد الفطر الماضي.

وقال أمير كرارة أثناء حواره ببرنامج 'مساء دي ام سي'، المذاع على فضائية 'DMC' عن اليوم الذي ألتقي فيه أحمد عز في كواليس 'الممر': 'اليوم ده اتقابلنا بالصدفة، أحمد عز كان بيصور 'الممر'، وانا كنت بصور فيلم 'كازابلانكا'، وكنا في نفس المكان في مدينة الإنتاج الإعلامي، فاتقابلنا وقعدنا شوية مع بعض'.

وعن المنافسة بينهما قي الإيرادات قال 'كرارة': 'مبنفكرش مين اكتر ومين جاب فلوس ولا الحاجات دي خالص، انا واحد بحب الخير الناس، واحمد عز برضه راجل نجم كبير وبيحب الناس كلها، عز اول واحد شاف برومو فيلم كازابلانكا قالي هيكسر الدنيا، قلت له ليه، قالي معرفش حاسس بده، عامل زي ولاد رزق نفس الحدوتة هياكل مع الناس، أحمد عز من الناس المحترمين بصراحة ونجم كبير'.

وتابع أمير كرارة قائلا: 'انا بحب الناس كلها واحب ان الناس كلها تحبني وبتبسط بالناس، فيلم كازابلانكا تحية كبيرة لكل صناعه لما نجح المفروض انه كسر 85 مليون بعديها ولاد رزق والفيل الأزرق تخطوه في الإيرادات، مش هروح اضايق بقى انهم عدوني، بالعكس مبسوط جدا ان ده كان حاجة عملت شغل كويس واللي بعديه عمل شغل احسن فالصناعة كل سنة بدأت تعلي'.