تحدث الفنان علاء زينهم عن تفاصيل الأزمة الأخيرة التي لحقت به وقرار وقفه من قبل الدكتور أشرف زكي نقيب المهن التمثيلية، بسبب عمله فى مسرحية بعنوان 'مولد وصاحبه مجاش' مع فنانين غير نقابيين.
وقال علاء زينهم في حواره ببرنامج 'الجمعة في مصر'، المذاع عبر قناة 'ام بي سي مصر': 'أشرف زكي اخي واستاذي وحبيب عمري، الموضوع انه رجل ينفذ اللوائح والقوانين الخاصة بالنقابة ، ووصل له اني عملت مخالفات نقابية وبناء عليه خد القرار بوقفي، فانا لما قعدت معاه وضحتله الموضوع أن المسرحية اللي بسببها خد القرار علاقتي بيها انهم ولاد هواء وجم عايزين يعملوا مسرح وانا ديما بشجع الهواء وبروح اتفرج عليهم كتير جدا'.
وتابع 'زينهم' قائلا: 'فقلت لهم والله انا مش فاضي لان عندي تصوير مع الفنان محمد رمضان في مسلسله الجديد فمش هقدر اكون معاكو الفترة دي، فجابوا الفنان عادل الفار والأستاذ هاني حسن الاسمر واسلام عبد الشفيع مجموعة ناس محترفين مع هما كمجموعة هواه .. ونتيجة إني كنت في الاسكندرية فترة بروفاتهم كنت بتواجد معاهم بقولهم افيه حركة لثقتهم فيا، لما انا جيت القاهرة عشان اصور بدأوا هيعرضوا المسرحية فعملوا الأفيش وحطوا صورتي وكتبوا إشراف الفنان علاء زينهم، فالدكتور أشرف زكي قال ازاي هتعامل مع فنانين مش نقابيين'.
وواصل علاء زينهم حديثه قائلا: 'المشكلة الأكبر كان وصل لأشىف زكي إن المسرحية دي من إنتاج يسري الشرقاوي وده كان انتج السنة اللي فاتت وفيه مشاكل مع بعض الزملاء، والنقابة عشان المشاكل دي متحلتش عملت وقف ليه، والمسرحية في الاساس مش انتاجه، الفكرة اللي وصلت للدكتور ان المنتج ده جايبني حطتني في الصورة عشان يتحدى بيا النقابة وانا معرفش حتى اتحدي عيل من عيالي'.
تابعوا آخر أهل مصر على Google News
