تحدث الفنان القدير محسن محيي الدين عن قصة الحب الوحيدة في حياته، والتي توجت بالزواج من الفنانة نسرين، وذلك خلال حواره مع الإعلامي محمود سعد ببرنامج 'باب الخلق' المذاع عبر قناة 'النهار'.
وقال الفنان محسن محيي الدين: 'انا ونسرين اشتغلنا مع بعض من واحنا اطفال.. قصة حب من البداية من ناحيتي انا بس، اللي رشح جوازي من نسرين كان والدى قبل ميموت ووالدتي'.
وتابع 'محيي الدين' حديثه قائلا: 'لما يبقي فيه مباركة من الأب والأم بالجوازة دي بتبقي ناجحة، إنما ميبقاش بقي عند ومعرفش ايه.. والعلاقات بتبوظ لم الزوج والزوجة يدخلوا الاسر في علاقتهم بكدا بيبوظوا علاقات الأسر '.
وواصل قائلا: 'لما بنتخانق بكون انا وهي بس ولا اي حد يعرف وفي نفس الوقت منخليش الأزمة متفاقمة بنحلها في ساعتها'.
وعن زواجهما في ظروف صعبة بعد تركهم الفن قال: 'قلنا هنمر بمرحلة صعبة وحياتنا هتبقى اقل معرفش عاملة ازاي وكنت متأكد أن ربنا مش هيسبنا لأن اي حد بياخد قرارا ان يصلح حياته لازم يجاهد.. لم دخلنا التجربة ربنا راني يعني ايه بركة في الرزق القليل'.
تابعوا آخر أهل مصر على Google News
