نجلة ماجدة: رفعت قضية حجر على والدتي لإنقاذها من الحبس

تحدثت غادة نافع، نجلة الفنانة الراحلة ماجدة عن الأزمة التي حدثت منذ عدة سنوات بشأن رفعها قضية حجر على والدتها، وذلك خلال حوارها مع الاعلامية منى الشاذلي ببرنامج 'معكم' المذاع عبر قناة 'سي بي سي'.

وقالت غادة نافع: 'ماما ديما معتزة بنفسها هي الليدر.. جه ناس مأجرين عندها مكان.. واحد قال لها ياست الكل ساعدينا أقفي جمبي، هي كانت طيبة قالت له ماشي أجرت له لمدة سنتين وهي بتمضي دخل ورق أنه مأجر 15 سنة وأن عليها 15 مليون جنيه'.

وتابعت قائلة: 'كل ده معرفش عنه حاجة ولا هي، هي مضت على أساس سنتين.. فوجئنا البوليس جاي بضبط وإحضار لماجدة عشان قضية نصب في 15 مليون جنيه ذهلنا قلنا أكيد بيهزر.. فانا اللي روحت بس هي حسنة النية تقول وقفت جمبه يعمل كدا ليه.. اللي حصل إنه زور فكان لازم أحمي ماما فالمحامي قال مينفعش ده يحصل لازم نعمل قضية عشان تحميها تعرفي منين هي ماضية ايه منين؟ قلت معرفش ومش هعمل كده .. وهي إمضتها مفيهاش هزار يعني حبس.. قلت له مش هعمل قالي لا تعملي ده لان ممكن تتحبس.. ولما قلت لها قالت لي موافقة وقالت دي حاجتي اللي تعبت فيها مش هييجي حد نصاب ياخد كل ده'.

وواصلت غادة نافع قائلة: 'أنا عارفة أنا عاملة ايه.. زعلت من الظلم مينفعش تحكموا على حد غير لما تعرفوا ده حصل ليه'.